Ap geirfa ddwyieithog Sgiliaith - ‘Ap Adborth Sgiliaith’ - Yn yr ap hwn ceir ystod eang o eiriau ac ymadroddion cyffredinol y gall tiwtoriaid eu defnyddio i roi adborth a phrofiadau Cymraeg/ dwyieithog i ddysgwyr.

Fersiwn ap o’r wefan Sglein Ar-lein yw hwn. Mae’r wefan a’r ap wedi’u creu ar gyfer dysgwyr sy’n astudio’r Gymraeg fel iaith gyntaf.

Mae'r ap yn cynnig profiadau a heriau gramadegol rhyngweithiol er mwyn gwella'ch sgiliau iaith Gymraeg.

Mae’r ap yn cynnwys termau ac ymadroddion yn benodol ar gyfer nyrsys, bydwragedd, gweithwyr cymdeithasol, meddygon, ymwelwyr iechyd, gweithwyr gofal, parafeddygon, gwaedyddion a ffisiotherapyddion.

Ei fwriad yw helpu unigolion i ddefnyddio’r Gymraeg gyda’u cleifion.

Mae’r ap hwn wedi’i greu ar gyfer dysgwyr Cymraeg ail iaith Safon Uwch. Mae’n rhoi blas o gynnwys gwefan ‘Cywirdeb Iaith’.

Cafodd ei gynllunio i gynnig profiadau a heriau gramadegol rhyngweithiol ar ffonau clyfar ac ar dabledi. Gallwch ddewis cyflawni’r gweithgareddau yn erbyn y cloc hefyd.

Nod yr ap hwn yw cefnogi dysgwyr a gweithwyr ym maes Gwasanaethau Cyhoeddus i ddefnyddio'r Gymraeg gyda'r cyhoedd.

Mae'r ap yn cynnwys clipiau sain o dermau a geirfa ddefnyddiol i helpu defnyddwyr gydag ynganu geirfa, ynghyd â chwisiau rhyngweithiol i brofi gwybodaeth.

Nod Ap Treiglo yw helpu siaradwyr Cymraeg a dysgwyr i wirio’r treigladau.

Mae elfen chwilota’r ap dim ond yn cynnwys y geiriau hynny sy’n achosi i’r geiriau sy’n eu dilyn yn syth i dreiglo. Felly, nid yw’n cynnwys pob rheol treiglo yn y Gymraeg. Ond wrth ddefnyddio elfen adolygu'r ap, dylet ti allu dod o hyd i’r holl reolau fydd yn dy gynorthwyo i wybod pryd i dreiglo.

Mae Fferm Ddiogel wedi’i dylunio i helpu dysgwyr i nodi a deall peryglon posibl ar y fferm, yn ogystal â dysgu sut i’w hosgoi mewn ffyrdd diogel ac ymarferol. 

Archwiliwch iard y fferm, lle byddwch yn dysgu am y peryglon sy'n gysylltiedig â lleoliadau amaethyddol ac offer a geir yn gyffredin ar y fferm. Ymwelwch â'n canolfan hyfforddi ATV, lle byddwch yn dysgu am beryglon gyrru ATVs. Yn olaf, gallwch gael profiad o weithio gydag anifeiliaid mewn amgylchedd diogel a rheoledig, gan ddysgu am y risgiau sy'n gysylltiedig â thrin da byw.

Mae ein ap yn cynnwys pum avatar cyfeillgar, Ceri, Bevan, Jack, Yana, a Geth, a fydd yn eich arwain trwy bob senario, gan roi awgrymiadau a chyngor defnyddiol ar hyd y ffordd. Byddant yn eich helpu i nodi peryglon, deall y risgiau posibl y maent yn eu hachosi, a sut i osgoi'r risgiau hynny.

Perffaith ar gyfer darlithwyr ac aseswyr sydd eisiau addysgu elfennau ymarferol o'r cwricwlwm mewn amgylchedd diogel a rheoledig.

Mae sain yr adnodd hwn yn Gymraeg gydag is-deitlau Saesneg a Chymraeg.

Mae'r ap hwn yn darparu diffiniadau o eiriau y chwiliwyd amdanynt yn y Gymraeg yn ogystal â'r cyfieithiadau Saesneg cyfatebol ac enghreifftiau o sut mae'r geiriau'n cael eu defnyddio. Mae hefyd yn cynnwys nifer o dermau a diffiniadau technegol.

Bydd yr ap yn gweithio all-lein, felly nid oes angen cysylltiad rhyngrwyd arnat er mwyn ei ddefnyddio.

Platfform iaith newyddion a chyfryngau iaith Gymraeg yw BBC Cymru Fyw sy’n cynnig gwybodaeth gyfredol ar faterion cyfoes, diwylliant, chwaraeon ac adloniant. Mae’n adnodd gwych i ddysgwyr a siaradwyr rhugl fel ei gilydd, gan alluogi defnyddwyr i ymdrochi eu hunan yn yr iaith. Mae’r wefan a’r ap yn darparu erthyglau, fideos a chlipiau radio sy’n dangos defnydd naturiol o’r iaith mewn sefyllfaoedd bob dydd. Mae darllen a gwrando ar straeon newyddion yn y Gymraeg yn galluogi i ddysgwyr ehangu eu geirfa, gwella eu dealltwriaeth a chynyddu eu hyder. Mae BBC Cymru Fyw hefyd yn adlewyrchu bywyd yng Nghymru gan roi mewnwelediad i gymunedau a digwyddiadau lleol. Mae’n declyn gwerthfawr, dibynadwy a hygyrch i ddysgu ac ymarfer Cymraeg.