Ap geirfa ddwyieithog Sgiliaith - ‘Ap Adborth Sgiliaith’ - Yn yr ap hwn ceir ystod eang o eiriau ac ymadroddion cyffredinol y gall tiwtoriaid eu defnyddio i roi adborth a phrofiadau Cymraeg/ dwyieithog i ddysgwyr.

Nod yr ap hwn yw cefnogi dysgwyr, prentisiaid a gweithwyr sydd angen cymorth i ddefnyddio’r Gymraeg yn hyderus mewn sefyllfaoedd sy’n gysylltiedig â chwaraeon.

Mae’r ap wedi’i rannu yn unedau defnyddiol -yn cynnwys termau ac ymadroddion cyffredinol a chategorïau mwy penodol fel ‘Y corff’ a ‘Ffitrwydd’.

Mae’r ap hwn yn cynnwys y geiriadur cyffredinol Cysgair, a hefyd y geiriaduron termau safonol ar gyfer ysgolion a cholegau addysg bellach Cymru, Y Termiadur Addysg. Hefyd ar gyfer prifysgolion Cymru, ceir Geiriadur Termau’r Coleg Cymraeg Cenedlaethol.

Mae’r geiriaduron hyn i gyd yn rhai Saesneg-Cymraeg/Cymraeg-Saesneg all-lein, lle nad oes angen cysylltiad rhyngrwyd i’w defnyddio.

Mae’r ap yn cynnwys termau ac ymadroddion yn benodol ar gyfer nyrsys, bydwragedd, gweithwyr cymdeithasol, meddygon, ymwelwyr iechyd, gweithwyr gofal, parafeddygon, gwaedyddion a ffisiotherapyddion.

Ei fwriad yw helpu unigolion i ddefnyddio’r Gymraeg gyda’u cleifion.

Mae Fferm Ddiogel wedi’i dylunio i helpu dysgwyr i nodi a deall peryglon posibl ar y fferm, yn ogystal â dysgu sut i’w hosgoi mewn ffyrdd diogel ac ymarferol. 

Archwiliwch iard y fferm, lle byddwch yn dysgu am y peryglon sy'n gysylltiedig â lleoliadau amaethyddol ac offer a geir yn gyffredin ar y fferm. Ymwelwch â'n canolfan hyfforddi ATV, lle byddwch yn dysgu am beryglon gyrru ATVs. Yn olaf, gallwch gael profiad o weithio gydag anifeiliaid mewn amgylchedd diogel a rheoledig, gan ddysgu am y risgiau sy'n gysylltiedig â thrin da byw.

Mae ein ap yn cynnwys pum avatar cyfeillgar, Ceri, Bevan, Jack, Yana, a Geth, a fydd yn eich arwain trwy bob senario, gan roi awgrymiadau a chyngor defnyddiol ar hyd y ffordd. Byddant yn eich helpu i nodi peryglon, deall y risgiau posibl y maent yn eu hachosi, a sut i osgoi'r risgiau hynny.

Perffaith ar gyfer darlithwyr ac aseswyr sydd eisiau addysgu elfennau ymarferol o'r cwricwlwm mewn amgylchedd diogel a rheoledig.

Mae sain yr adnodd hwn yn Gymraeg gydag is-deitlau Saesneg a Chymraeg.

Dyma ap i dy helpu i ddysgu siarad Cymraeg naturiol yn hawdd ac yn gyflym. Yn seiliedig ar yr ymchwil ddiweddaraf ym maes dysgu ieithoedd. Mae ap Say Something in Welsh yn dy helpu i siarad ac i ddeall Cymraeg o’r cychwyn cyntaf, heb reolau gramadeg cymhleth. Mae gan bob un 16-25 oed sy'n dilyn cwrs Dysgu Cymraeg y cyfle i ddilyn adnodd Say Something in Welsh yn rhad ac am ddim am 12 mis.

Platfform iaith newyddion a chyfryngau iaith Gymraeg yw BBC Cymru Fyw sy’n cynnig gwybodaeth gyfredol ar faterion cyfoes, diwylliant, chwaraeon ac adloniant. Mae’n adnodd gwych i ddysgwyr a siaradwyr rhugl fel ei gilydd, gan alluogi defnyddwyr i ymdrochi eu hunan yn yr iaith. Mae’r wefan a’r ap yn darparu erthyglau, fideos a chlipiau radio sy’n dangos defnydd naturiol o’r iaith mewn sefyllfaoedd bob dydd. Mae darllen a gwrando ar straeon newyddion yn y Gymraeg yn galluogi i ddysgwyr ehangu eu geirfa, gwella eu dealltwriaeth a chynyddu eu hyder. Mae BBC Cymru Fyw hefyd yn adlewyrchu bywyd yng Nghymru gan roi mewnwelediad i gymunedau a digwyddiadau lleol. Mae’n declyn gwerthfawr, dibynadwy a hygyrch i ddysgu ac ymarfer Cymraeg.

Mae Memrise yn ap dysgu iaith rhyngweithiol sy’n cynorthwyo defnyddwyr i ddysgu Cymraeg trwy wersi rhyngweithiol, fideos ac enghreifftiau byd go iawn. Mae’n canolbwyntio ar wrando, siarad, darllen a sgiliau ysgrifennu mewn ffordd hwyliog ac ysbrydoledig. Mae’r ap yn defnyddio techneg o ailadrodd wedi’i wasgaru a chwisiau i gynorthwyo dysgwyr i gofio geirfa ac ymadroddion yn effeithiol. Mae fideos o siaradwyr brodorol yn caniatau i ddysgwyr glywed acenion ac ynganiadau naturiol gan gynyddu hyder a rhuglder. Mae gwersi byr Memrise yn ei gwneud hi’n rhwydd i ddysgu hyd yn oed ar ddiwrnodau prysur, ac mae’r ffaith bod yr ap wedi’i adeiladu ar ffurf gem yn cadw defnyddwyr wedi’i hysgogi. Mae’n declyn gwych i ddysgu Cymraeg ar liwt eich hun, o lefel dechreuwr i lefel hyfedredd.